Fagdeild félagsráðgjafa í félagsþjónustu boðar til morgunverðarfundar þriðjudaginn 19. september næstkomandi undir yfirskriftinni Kröfur til fólks með fjárhagsaðstoð - af hverju? - ekki?

Á fundinum mun Ellý Alda Þorsteinsdóttir skrifstofustjóri í velferðarráðuneyti fjalla um þátttöku allra og Björk Vilhelmsdóttir ræðir mannréttindi ungs fólks sem er hvorki í skóla né í vinnu. Jafnframt mun einn notandi segja frá upplifun sinni af því að fá fjárhagsaðstoð.

Fundurinn verður haldinn á Hótel Hilton Nordica. Skráning er hafin hér

Hægt verður að fylgjast með á Skype fyrir þá sem eru úti á landsbyggðinni og biðjum við ykkur um að skrá notendanafnið í skráningarforminu svo hægt sé að tryggja tengingu. En ATHUGIÐ að þeir sem eru á SKype þurfa ekki að borga þátttökugjald.

Þátttökugjald kr. 3.600 greiðist á reikning Félagsráðgjafafélags Íslands:

336-26-30771 kt. 430775-0229.

Fundurinn er öllum opinn!

Fyrir hönd fagdeildar félagsráðgjafa í félagsþjónustu

Anna Marit Níelsdóttir

Elín Thelma Róbertsdóttir

Gyða Hjartardóttir

Helga Sigurjónsdóttir

Jóna Guðný Eyjólfsdóttir

Þóra Kemp

Fimmtudaginn 17. ágúst kl. 14:00 heldur samninganefnd Félagsráðgjafafélags Íslands opinn fund með félagsmönnum til að ræða undirbúning komandi kjaraviðræðna við ríki. Eru félagsmenn sem starfa hjá ríkinu hvattir til að mæta!

Fundurinn er haldinn í húsnæði BHM, Borgartúni 6, 3. hæð.

Kær kveðja,

María Rúnarsdóttir, formaður

Kæru félagsráðgjafar!

Skráning er hafin á IFSW European Conference 2017 - Evrópuráðstefnu félagsráðgjafa, sem Félagsráðgjafafélagið skipuleggur í samstarfi við IFSW Europe dagana 28. til 30. maí 2017.

Ráðstefnan verður haldin í Hörpu og er undirbúningur hennar í fullum gangi.

Nú er skráning hafin á ráðstefnuna og hefur stjórn Félagsráðgjafafélags Íslands ákveðið að styrkja félagsmenn um kr. 15.000, þ.e.a.s. niðurgreiða þátttökugjaldið sem þessu nemur ef þeir skrá sig hér

Þátttökugjald er 49 þúsund krónur til 20. mars en þá hækkar það í 59 þúsund krónur og styrkir Félagsráðgjafafélagið alla þá félagsmenn sem skrá sig fram til 5. maí en þá hækkar gjaldið í 82 þúsund krónur sem er almennt skráningargjald.

Við bendum félagsmönnum á að hægt er að sækja um styrk fyrir ráðstefnugjaldinu og ferðum ef þörf er á innanlands til Starfsþróunarseturs og/eða Starfsmenntasjóðs BHM en á tveggja ára tímabili öðlast félagsmenn sem greitt er í þessa sjóði fyrir alls kr. 470.000.

Fagdeild félagsráðgjafa í félagsþjónustu heldur morgunverðarfund í samstarfi við Samband íslenskra sveitarfélaga. Fundurinn verður á Hilton Reykjavík Nordica fimmtudaginn 11. maí kl. 8:30-10:30.
Morgunverðarfundur um málefni félagsþjónustu sveitarfélaga. Félagsþjónusta á tímamótum:

Tryggvi Þórhallsson, lögfræðingur og sérfræðingur hjá Sambandi íslenskra sveitarfélaga og Unnur Ingólfsdóttir, félagsráðgjafi MA og félagsmálastjóri Mosfellsbæjar munu fjalla um þær miklu breytingar sem liggja fyrir á lögum um félagsþjónustu sveitarfélaga og nýjar húsnæðisbætur. Bæði Tryggvi og Unnur áttu sæti í nefnd velferðarráðherra sem vann að frumvarpi um breytingar á lögum um félagsþjónustu sveitarfélaga og húsnæðisbætur.
Við hvetjum félagsráðgjafa og alla sem láta sig varða málefni félagsþjónustu sveitarfélaga til að mæta. Nú er tækifæri til að ræða áskoranirnar og tækifærin, sem felast í fyrirhuguðum breytingum, en gefið verður gott rými til bæði fyrirspurna og umræðna.
Fundarstjóri: Gyða Hjartardóttir, félagsráðgjafi MA og sérfræðingur hjá sambandi íslenskra sveitarfélaga.
Þátttökugjald kr. 3.600.- Morgunverður innifalinn.

Stjórn fagdeildar félagsráðgjafa í félagsþjónustu.

Samtalsfundur félagsráðgjafa með Siðanefnd 27. apríl frá 8:30 – 11:00 í sal BHM í Borgartúni á þriðju hæð. Boðið er upp á morgunverð.

Hver eru hin siðlegu og faglegu vinnubrögð í félagsráðgjöf?

Hvernig brúum við bilið milli félagsráðgjafans og stefnumótunaraðila?

Hinn 24.febrúar s.l. lagði Siðanefnd FÍ fram tvær spurningar í umræðustofu sinni, annars vegar um aukna þátttöku félagsráðgjafa í stefnumótun og hins vegar um það hvort úrræðin þjóni þörfum fólks. Spruningarnar grundvölluðust á því sem áður hafði komið fram hjá félagsráðgjöfum á fundum. Góð umræða spannst og spurningum svarað.

Fram kom að tengingu vantar á milli stefnumótunaðila og félagsráðgjafa og að úrræðin séu oft á tíðum langt á eftir hinni samfélagslegu þróun í mörgum málaflokkum. Þegar slíkt kemur fram þá er þörf á samtali og þess vegna bjóðum við ykkur velkomin á þennan samtalsfund og vonumst til að þátttaka verði góð enda um að ræða kjarnan í starfi félagsráðgjafa.

Skráning er hér

Kær kveðja, siðanefndin

Guðrún Helga Sederholm, Helga Þórðardóttir og Kolbrún Oddbergsdóttir

Fagdeild sjálfstætt starfandi boðar til morgunverðarfundar þar sem vefforritið Kara er kynnt sem fyrirtækið Kara Connect er með.

Fundurinn verður haldinn föstudaginn 21. apríl 2017 kl. 9:00-10:30 í Borgartúni 6, 3. hæð.

Vinsamlegast skráið ykkur hér

Kara er vefforrit sem er hannað til að bæta aðgengi að þjónustu í mennta- velferðar og heilbrigðisgeiranum. Markmiðið er að bylta aðgengi skjólstæðinga að sérfræðiþjónustu og um leið nútímavæða starfsumhverfi sérfræðinga. Kara sem inniheldur m.a. markaðstorg gerir skjólstæðingum kleift að þiggja og ólíkum sérfræðingum að veita, bestu þjónustu og meðferð sem völ er á, hvar og hvenær sem er í gegnum öruggt fjarfundakerfi. Í gegnum Köru hafa sérfræðingar aðgang að tímabókunum, dagnótum, skrá og yfirliti yfir skjólstæðinga sína auk greiðslukerfis.

Fagdeild félagsráðgjafa í félagsþjónustu boðar til morgunverðarfundar til að ræða störf deildarinnar á komandi starfsári. Eru félagsráðgjafar hvattir til að mæta á fundinn og hafa áhrif á störf deildarinnar og bjóða sig fram í fagráðið til að leiða vinnuna. Þau eru mörg málefnin sem hægt er að ræða og hafa félagsráðgjafar á Fjölskyldusviði Akureyrarbæjar tekið saman nokkur atriði þar sem er samstarfsflötur og umræðugrundvöllur fyrir fagdeildina: • Nýjar reglur varðandi sérstakan húsnæðisstuðning • Samstarf félagsþjónustunnar við Virk • Hvort sveitarfélög gera samning um meðferð máls • Er byrjað að taka við og afgreiða umsóknir rafrænt. Ef svo er hver er reynslan • Er unnið sérstaklega með fátækum barnafjölskyldum

Fundurinn verður mánudaginn 10. apríl í Borgartúni 6, 3. hæð frá kl. 9-10.30. Boðið verður upp á streymi og verður viðburður settur upp á hér á heimasíðu BHM: https://livestream.com/bhm

Hvert stefnir barnaverndin og hvernig viljum við sjá hana þróast?

Fagdeild félagsráðgjafa í barnavernd mun halda starfsdag sinn þann 22. mars kl. 8.30 – 15.30. Í ár er hann haldinn í boði Seltjarnarnesbæjar í félagsheimili þeirra v/Suðurströnd. Allir barnaverndarstarfsmenn eru hvattir til að mæta því nú verður lögð áhersla á að starfsmennirnir taki virkan þátt í starfsdeginum með því að koma sínum sjónarmiðum á framfæri. Einnig er þessi dagur mikilvægur til hittast og eiga góða stund saman. Að loknum starfsdegi mun fagdeildin halda aðalfund þar sem kosin verður ný stjórn og því eru félagsmenn hvattir til að bjóða sig fram í stjórn. Vinsamlegast tilkynnið þátttöku til maria.gunnarsdottir@reykjanesbaer.is. Nánari dagskrá verður send út síðar.

Kæru félagsráðgjafar!

Við vekjum athygli ykkar á þessari áhugaverða fyrirlestri um þversagnir í siðfræði fagsétta föstudaginn 31. mars 2017 kl. 12-13 í Odda

Fyrirlesturinn er öllum opinn!

Kæru félagsráðgjafar!

Stjórn Félagsráðgjafafélags Íslands boðar til aðalfundar þriðjudaginn

1. mars 2017 sem er alþjóðadagur félagsráðgjafa 2017.

Dagskráin hefst kl. 14:30 og gert er ráð fyrir að henni ljúki kl. 16:00.

Kaffiveitingar verða í boði

Dagskrá aðalfundar er skv. 9. gr. laga Félagsráðgjafafélags Íslands

1. Fundur settur.

2. Skipan fundarstjóra og fundarritara.

3. Staðfest lögmæti fundarins.

4. Skýrsla stjórnar um starf félagsins á liðnu ári.

5. Tillögur og áætlanir um störf félagsins á yfirstandandi ári kynntar.

6. Ársreikningar félagsins, vísindasjóðs og kjaradeilusjóðs lagðir fram til samþykktar.

7. Stéttarfélagsgjald og fagfélagsgjald ákveðið til eins árs, svo og framlag/hlutfall stéttarfélagsgjalds í vinnudeilusjóð.

8. Fjárhagsáætlun yfirstandandi árs lögð fram til samþykktar.

9. Lagabreytingar.

10. Kjör í stjórn félagsins og fastanefndir.

11. Önnur mál.

Fundi slitið

STJÓRN FÍ LEGGUR ENGAR LAGABREYTINGATILLÖGUR FRAM AÐ ÞESSU SINNI

Fulltrúi í stjórn til tveggja ára.

Fulltrúi í stjórn til tveggja ára.

Fulltrúi í stjórn til tveggja ára.

Hervör Alma Árnadóttir býður sig fram til endurkjörs til tveggja ára. Katrín Guðný Alfreðsdóttir býður sig fram til tveggja ára. Arndís Tómasdóttir býður sig fram til tveggja ára.

Kjör í fastanefndir félagsins vísindanefnd og siðanefnd fer fram á aðalfundi til tveggja ára í senn. Nefndarmenn þessara nefnda voru kosnir fyrir ári síðan til tveggja ára og sitja því til aðalfundar 2018.

Þeir sem vilja bjóða sig fram í stjórn FÍ hafi samband við formann félagsins, maria@felagsradgjof.is.

Við minnum á að allir félagsmenn í Félagsráðgjafafélagi Íslands geta boðið sig fram á aðalfundi!

AÐALFUNDARGÖGN 2017

Skýrslur fagdeilda

Kæru félagsráðgjafar!

Þann 24. febrúar næstkomandi heldur Félagsráðgjafafélag Íslands Félagsráðgjafaþing í samstarfi við Félagsráðgjafardeild Háskóla Íslands, Rannsóknasetur í barna- og fjölskylduvernd og ÍS- FORSA.

Félagsráðgjafaþing er sannkölluð uppskeruhátíð félagsráðgjafar á Íslandi og er yfirskrift þingsins Nýsköpun í félagsráðgjöf.

Líkt og fyrri ár verður þingið haldið á Hótel Hilton Nordica föstudaginn 24. febrúar 2017 og hefst kl. 12.30 og lýkur með móttöku sem hefst kl. 17.00.

Í ár fáum við til okkar tvo gestafyrirlesara sem koma frá Herning sveitarfélagi í Danmörku þar sem áhersla hefur verið lögð á snemmtæka íhlutun í starfi með börnum og ungmennum. Verkefnið hefur leitt til nýs verklags og aukins árangurs með tilheyrandi hagræðingu í rekstri fyrir sveitarfélagið. Dagskráin samanstendur auk þess af fjölda umræðu- og málstofa og bera þar hæst málefni flóttafólks, vinna með börnum og fjölskyldum þeirra, áskoranir í barnavernd og þjónusta á heimilum fólks

Skráning á Félagsráðgjafaþing er rafræn, vinsamlega fyllið út eyðublaðið

Fyrstu drög að dagskrá eru nú komin Við minnum á að þingið er öllum opið!