Stjórn félagsins

Stjórn Félagsráðgjafafélags Íslands er skipuð sjö félagsráðgjöfum; formanni, varaformanni, gjaldkera, ritara og þremur meðstjórnendum. Formaður er kosinn sérstaklega til fjögurra ára og er hann í fullu starfi út kjörtímabilið fyrir félagið. Aðrir stjórnarmenn eru kosnir til tveggja ára í senn, þrír á ári hverju. Stjórn skiptir með sér verkum á fyrsta fundi nýrrar stjórnar.

Steinunn Bergmann

félagsráðgjafi, formaður Félagsráðgjafafélags Íslands

Steinunn útskrifaðist frá Háskóla Íslands (HÍ) með BA gráðu í uppeldis- og menntunarfræði árið 1995 og starfsréttindi í félagsráðgjöf árið 1996. Hún lauk diplomanámi í barnavernd við Endurmenntun HÍ árið 2001, MPA námi frá HÍ árið 2010 og hlaut sérfræðiréttindi í barnavernd árið 2017. Steinunn starfaði hjá Félagsmálastofnun/Félagsþjónustu/Velferðarsviði Reykjavíkur frá 1992 til 2007 og hjá Barnaverndarstofu frá 2007 til 2019. Steinunn hefur jafnframt sinnt stundakennslu við HÍ frá árinu 2006. Þá hefur Steinunn sinnt trúnaðarstörfum fyrir FÍ frá árinu 1996, var m.a. í kjaranefnd, ritnefnd NSA, stjórn Vísindasjóðs FÍ, stjórn FÍ og varaformaður FÍ tímabilið 2013-2017. Hún tók við formennsku FÍ þann 29. apríl 2019. Steinunn er gift og á fjögur börn.

Netfang Steinunnar er: steinunn@felagsradgjof.is

Kristín Þórðardóttir

félagsráðgjafi og gjaldkeri FÍ

Kristín starfar á Landspítalanum en vann áður á þjónustumiðstöð Laugardals og Háaleitis. Hún útskrifaðist frá Háskóla Íslands með BA-gráðu í félagsráðgjöf 2012 og MA-gráðu til starfsréttinda 2014. Eftir útskrift vann hún hjá félagsþjónusta Fljótsdalshéraðs við almenna félagsráðgjöf og barnavernd. Árið 2015 hóf hún störf hjá Reykjavíkurborg fyrst hjá Þjónustumiðstöð Laugardals og Háaleitis sem félagsráðgjafi í málaflokki fatlaðs fólks; árin 2019 – 2020 hjá Þjónustumiðstöð Vesturbæjar, Miðborgar og Hlíða sem félagsráðgjafi í málaflokki heimilislausra með miklar og flóknar þjónustuþarfir, en þar var um að ræða félagslega ráðgjöf þvert á borgina um hugmyndafræðina húsnæði fyrst (Housing first) og skaðaminnkun; og frá 2020 hefur Kristín starfað hjá Þjónustumiðstöð Laugardals og Háaleitis sem félagsráðgjafi í ráðgjafadeild með sérhæfingu í málefnum fólks sem glímir við heimilisleysis og/eða vímuefnavanda, með áherslu á skaðaminnkun. Frá árinu 2019 hefur Kristín verið talsmaður fagdeildar félagsráðgjafa í áfengis- og vímuefnamálum.

Netfang Kristínar er: kristinth@landspitali.is

Sigrún Ósk Björgvinsdóttir

félagsráðgjafi, ritari stjórnar

Sigrún Ósk útskrifaðist með BA gráðu til starfsréttinda í félagsráðgjöf frá Háskóla Íslands árið 2006 og lauk árið 2018 diplómanámi í handleiðslufræðum frá sama skóla. Árið 2021 lauk hún MA gráðu í félagsráðgjöf frá Háskóla Íslands og hlaut sérfræðiréttindi í félagsþjónustu árið 2024.
Að lokinni útskrift hóf Sigrún Ósk störf hjá Þjónustumiðstöð Breiðholts árið 2006 og starfaði þar í fjölskyldu-, skóla- og einstaklingsmálum til ársins 2011. Hún starfaði í barnavernd Kópavogs frá árinu 2011 til loka árs 2014 og hóf í kjölfarið störf á Þjónustumiðstöð Grafarvogs og Kjalarness sem í dag er Austurmiðstöð.
Sigrún Ósk starfar í dag sem félagsráðgjafi og teymisstjóri í deild virkni og ráðgjafar í Austurmiðstöð. Hún hefur sinnt fjölbreyttum störfum innan félagsþjónustunnar og hefur með árunum sérhæft sig í einstaklingsmálum. Sigrún Ósk er gift og á tvær dætur.
Netfang Sigrúnar Óskar er: sigrun.osk.bjorgvinsdottir@reykjavik.is

Ásta Kristín Benediktsdóttir

félagsráðgjafi, meðstjórnandi

Ásta Kristín útskrifaðist frá Háskóla Íslands með BA gráðu í félagsfræði árið 1994 og starfsréttindi í félagsráðgjöf árið 1995. Hún lauk diplómagráðu í rekstrar- og viðskiptafræði frá endurmenntun HÍ árið 2003, MBA gráðu frá HÍ árið 2012 og diplómagráðu í félagsráðgjöf á sviði fjölmenningar, málefna innflytjenda og flóttafólks frá HÍ árið 2019. Ásta Kristín hlaut sérfræðiréttindi á sviði félagsþjónustu árið 2021. Hún starfaði hjá Félagsþjónustunni í Reykjavík á árunum 1995-1998, var félagsmálastjóri hjá Sveitarfélaginu Álftanesi á árunum 1998-2008 og starfaði jafnframt sem framkvæmdastjóri FÍ 1998-1999. Á árunum 2008-2023 starfaði hún hjá Velferðarsviði Reykjavíkurborgar og á Landspítalanum 2023-2024. Ásta Kristín starfar í dag hjá Félags- og húsnæðismálaráðuneytinu.
Ásta Kristín er gift og á fjóra syni.
Netfang Ástu Kristínar er: asta.benediktsdottir@frn.is

Guðrún Þorgerður Ágústsdóttir

félagsráðgjafi, varaformaður FÍ

Guðrún Þorgerður útskrifaðist með BA gráðu í félagsfræði vorið 2004 og starfsréttindi í félagsráðgjöf vorið 2006. Guðrún Þorgerður hefur ennfremur lokið viðbótardiplómu í réttarfélagsráðgjöf árið 2007 og í áfengis- og vímuefnafræðum árið 2017. Eftir útskrift árið 2006 hóf hún störf hjá Svæðisskrifstofu um málefni fatlaðra og starfaði þar til ársins 2008. Frá árinu 2009 til 2019 starfaði Guðrún Þorgerður með einstaklingum með flókin og fjölþættan vanda hjá Vettvangs- og ráðgjafateymi Reykjavíkurborgar. Í dag starfar Guðrún Þorgerður á Áfangaheimilinu Brautinni og í endurhæfingarúrræðinu Grettistak hjá Reykjavíkurborg. Guðrún Þorgerður hefur setið í fagdeild félagsráðgjafa í Áfengis- og vímuefnamálum og í bakhóp vegna kjarasamninga.
Guðrún Þorgerður er gift og á tvo syni.

Netfang Guðrúnar Þorgerðar er: gudrun.th.agustsdottir@reykjavik.is

Valgerður Halldórsdóttir

félagsráðgjafi, meðstjórnandi

Valgerður útskrifaðist með BA próf í stjórnmálafræði 1988, Kennslu- og uppeldisfræði HÍ/kennsluréttindi 1994, starfsréttindum í félagsráðgjöf árið 1998, meistaraprófi í félagsráðgjöf 2006 (MSW í fjölskylduráðgjöf og MA ritgerð). Hún hefur jafnframt lokið fjölda annarra námskeiða s.s. í stjórnsýslufræðum, sáttamiðlun, blaða- og fréttamennsku og á sviði félagsráðgjafar. Hún var lengi starfandi framhaldsskólakennari í FB og MS, jafnframt sem skólafélagsráðgjafi í MS, Setbergsskóla og Lækjarskóla í Hafnarfirði. Valgerður var framkvæmdastjóri Félagsráðgjafafélagsins 2007 til 2012 og aðjúnkt við Háskóla íslands. Í dag er hún sérfræðingur í málefnum barna og sáttamaður hjá Sýslumanninum á höfuðborgarsvæðinu. Hún hefur jafnframt verið með eigin stofu Vensl ehf. og haldið úti heimasíðunni stjuptengsl.is Hún er höfundur bókarinnar Hver er í fjölskyldunni? Skilnaðir og stjúptengsl. Valgerður hefur einnig verið pistlahöfundur, unnið fyrir barnaverndarnefndir og haldið fjöldan allan af námskeiðum og fyrirlestrum.

Netfang Valgerðar er: stjuptengsl@stjuptengsl.is

Sigríður Ása Sigurðardóttir

félagsráðgjafi og meðstjórnandi

Sigríður Ása útskrifaðist með meistarapróf til starfsréttinda í félagsráðgjöf frá Háskóla Íslands árið 2022. Að námi loknu starfaði hún í ráðgjafa- og íbúðadeild hjá Velferðarsviði Kópavogsbæjar. Árið 2023 tók hún við starfi félagsráðgjafa barna og fjölskyldna í nýju teymi innan velferðarsviðs Kópavogsbæjar, þar sem hún sinnir ráðgjöf við börn og fjölskyldur og gegnir jafnframt hlutverki málstjóra í samþættingarmálum á grundvelli laga um samþættingu þjónustu í þágu farsældar barna.

Sigríður Ása hefur sinnt hlutverki trúnaðarmanns félagsráðgjafa á vinnustað sínum frá árinu 2024 og starfað sem stuðningsfjölskylda frá árinu 2025. Hún var kjörin í stjórn Félagsráðgjafafélags Íslands árið 2026.

Sigríður Ása er í sambúð og eiga þau samtals átta börn.

Netfang: sigridurasa@kopavogur.is