Skilafrestur ritrýndra greina í næsta tölublað Tímarits félagsráðgjafa sem verður gefið út í júní 2027, hefur verið framlengdur til 20. október 2026.
Tímarit félagsráðgjafa er vettvangur fyrir miðlun nýrrar þekkingar og faglega umræðu á sviði félagsráðgjafar. Í ritrýndum hluta tímaritsins eru birtar fræðilegar greinar sem meðal annars byggja á rannsóknum, þróunarverkefnum og nýrri þekkingu sem hefur þýðingu fyrir félagsráðgjöf, fagþróun og þjónustu.
Við hvetjum félagsráðgjafa, fræðafólk og aðra sem vinna að rannsóknum og þekkingarsköpun á sviði félagsráðgjafar til að nýta framlengdan skilafrest og senda inn grein til ritrýningar.
Ritrýndar greinar skulu að jafnaði vera að hámarki um 4.000 orð, að meðtöldum heimildalista og útdráttum. Útdráttur skal fylgja bæði á íslensku og ensku og miðað er við nýjustu reglur APA um heimildaskráningu og frágang.
Nýr skilafrestur er 20. október 2026.
Nánari upplýsingar um Tímarit félagsráðgjafa, leiðbeiningar fyrir höfunda og fyrirkomulag ritrýningar má finna á heimasíðu Félagsráðgjafafélags Íslands.
Ritstjórn hvetur þau sem hafa áhugavert rannsóknarefni eða nýja þekkingu fram að færa til að senda inn grein og taka þannig þátt í að efla fræðilegan grunn og faglega þróun félagsráðgjafar.
