Bók fyrir börn

skrifað 02. sep 2009

Hvað get ég gert við of miklar áhyggjur? Bók fyrir börn til að sigrast á kvíða.

Bok_fyrir_born.JPG

Bókin veitir börnum og foreldrum þeirra tækifæri til aukins skilnings á því hvað einkennir hugsun barna með áhyggjur og kvíða og hvernig áhyggjur eru tilkomnar, auk þess að bjóða lausnir sem reynst hafa gagnlegar til að draga úr þeim. Bókin byggir á hugmyndafræði hugrænnar atferlismeðferðar og inniheldur m.a. verkefni fyrir börnin, sem og leiðbeiningar og fræðslu fyrir foreldra. Þessi gagnvirka sjálfshjálparbók er heilsteypt úrræði til að fræða, hvetja og styrkja börn í því að vinna bug á ofvöxnum áhyggjum.

Bókin er 80 blaðsíður, efni hennar er sett fram með einföldum og skiljanlegum hætti og hún er skemmtilega myndskreytt.
Höfundur bókarinnar er Dr. Dawn Huebner en þýðendur og útgefendur eru sálfræðingarnir Árný Ingvarsdóttir og Thelma Gunnarsdóttir.

Hægt er að panta bókina á heimasíðunni www.hvadgeteggert.is en þar er einnig að finna frekari fróðleik.