Ályktun stjórna NSSK og NFFS

skrifað 18. ágú 2011

Í kjölfar ráðstefnunnar sem haldin var dagana 11. til 13. ágúst funduðu stjórnir NFFS (Nordisk Forum for Socialpedagoger) og NSSK (Nordisk Samarbeidskommite for Sosionomer). Þar var m.a. tekin umræða um 22. júlí  og í kjölfar skrifuð eftirfarandi ályktun á norsku. Hér er  einnig hægt að lesa hana á ensku en að lokum er hún að neðan á íslensku.

Ályktunin á íslensku:

Sameiginleg yfirlýsing frá Norrænum samtökum félagsráðgjafa (NSSK) og norrænum

samtökum þroskaþjálfa (NFFS).

Ísland 14. ágúst 2011
 

Fjölbreytt norðurlönd – auðvitað!

Þann 22 júlí s.l. varð Noregur fyrir hryllilegri árás. Sjötíu og sjö einstaklingar drepnir og margir særðir í árásum á stjórnarráðshverfið í Osló og sumarbúðir ungmennasamtaka Verkamannaflokksins (AUF) á Útey. Það er með mikilli sorg í hjarta þegar NSSK og NFFS sendir samúðarkveðjur til særðra, þeirra sem lifðu af,  fjölskyldna þeirra og fjölskyldna þeirra sem létust og til norsku þjóðarinnar allrar.

Árásin var ekki bara árás á einstaklinga heldur árás á öll norðurlöndin og þau lífsgildi sem þau standa fyrir. Lýðræði, umhyggja, hreinskilni og fjölbreytni. Lífsgildi sem einnig eru grunngildi fyrir norræna félagsráðgjafa og þroskaþjálfa. Einhver vill eyðileggja þessi gildi okkar. Einhver hefur notað óskiljanlegar leiðir til að ná þeim markmiðum sínum. Einhver hefur ráðist á það besta sem við eigum.  

Norrænir félagsráðgjafar og þroskaþjálfar hafa þessa viku hist í Reykjavík til að fræða og ræða velferðarmál útfrá ýmsum sjónarhornum á ráðstefnunni „Welfare and professionalism in turbulent times“. Á ráðstefnunni fékkst staðfesting á fjölbreytni Norðursins. Félagsráðgjafar og þroskaþjálfar hitta ólíka einstaklinga á hverjum degi í vinnu sinni. Ólíkir einstaklingar sem  hver og einn á sinn hátt leggur til fjölbreytnina í samfélaginu okkar.

Fjölbreytni býr til innihaldsríkara líf og betra samfélag. Uppruni fólks, kynhneigð fólks, fötlun fólks eða annað skiptir ekki máli. Allir fá pláss í sameiginlegum Norðurlöndum. Við notum ekki meira „við“ og „þið“. Við erum öllsömul „við“.

Atburðirnir í Noregi eiga að verða til þess að við tökum öll ábyrgð. Ábyrgð á því að byggja upp samfélag fyrir alla. Norrænir félagsráðgjafar og þroskaþjálfar eiga að standa í fremstu röð í baráttunni fyrir fjölbreytilegum og sameiginlegum Norðurlöndum.